Tilkynnt var um mann með hafnaboltakylfu á bensínstöð, rétt fyrir miðnættið, austarlega í borginni. Þegar lögregla kom á staðinn kom í ljós að einhverjar deilur höfðu átt sér stað milli þriggja aðila sem enduðu með því að einn þeirra tók upp hafnaboltakylfu til að verja sig. Samkvæmt upplýsingum lögreglu var kylfunni ekki beitt og málið var leyst á vettvangi.
03:41 Lögregla gaf ökumanni stöðvunarmerki í miðbænum og reyndi ökumaður að stinga af. Eftir skamma eftirför hlupu nokkrir aðilar úr bifreiðinni en þeir náðust allir og voru handteknir í þágu rannsóknar málsins. Kveikjuláslyklar bifreiðarinnar fundust á einum sem hljóp frá bifreiðinni og er hann grunaður um akstur hennar. Þá fundust einnig fíkniefni og hnífur á einum aðilanum. Allir aðilarnir voru vistaðir í fangaklefa þangað til hægt verður að ræða við þá.
Ökumenn voru stöðvaðir í akstri, grunaðir um akstur undir áhrifum áfengis. Lausir eftir hefðbundið ferli. Alls 43 mál skráð, mest minnihátta hávaðatilkynningar, slys og tilkynningar vegna annarslegs ástands.
