-2.2 C
Reykjavik
Miðvikudagur - 1. febrúar 2023
Auglýsing

Tilkynningum um innbrot í heimahús fækkar

Auglýsing

Auglýsing

Nýjar fréttir

Auglýsing

Afbrotatölfræði lögreglustjórans á höfuðborgarsvæðinu fyrir marsmánuð 2018 hefur verið birt. Í skýrslunni eru teknar saman upplýsingar um helstu afbrot sem hafa verið tilkynnt til lögreglu.

Fjallað er um þróunina á síðustu 13 mánuðum og tölur það sem af er ári bornar saman við sama tímabil síðustu þriggja ára.


Í mars voru 746 hegningarlagabrot skráð hjá lögreglunni á höfuðborgarsvæðinu.
Fjölgaði brotum á milli mánaða. Í mars fækkaði tilkynningum um þjófnaði miðað við meðalfjölda síðustu sex og síðust 12 mánuði á undan.
Þar af fækkaði innbrotum hlutfallslega mest. Í mars bárust lögreglunni á höfuðborgarsvæðinu um 48 prósent færri tilkynningar um innbrot í heimahús en bárust í febrúar. Í mars voru 23 þjófnaðir á reiðhjólum tilkynntir til lögreglu.
Nú þegar sólin fer hækkandi, sumarið nálgast og reiðhjólum fjölgar á götum borgarinnar er vert að minna eigendur reiðhjóla á að vera á varðbergi og ganga tryggilega frá reiðhjólum sínum. Þónokkur fjölgun var á fíkniefnamálum sem upp komu í embættinu í mars auk þess sem fleiri umferðarlagabrot voru skráð, en ekki hafa fleiri umferðarlagabrot verið skráð í einum mánuði á höfuðborgarsvæðinu síðan í janúar 2016.
Sektir fyrir umferðarlagabrot hækka um næstu mánaðamót, t.a.m. mun sekt fyrir að nota farsíma við stýrið án handfrjáls búnaðar hækka úr 5.000 kr. í 40.000 kr. og sektin fyrir hvert nagladekk hækkar úr 5.000 í 20.000.