Hugleiðingar veðurfræðings
Sami grautur í sömu skál gæti alveg verið spáin á næstunni. Fremur kalt loft yfir landinu og verður það fram að helgi hið minnsta. Austlæg eða norðlæg átt ríkjandi. Yfirleitt úrkomulítið, en líkur á smá úrkomu á víð og dreif. Mestar líkur á að úrkoma sem fellur sunnantil á landinu verði í formi rigningar eða skúra, en að næturlagi gæti þetta farið yfir í slyddu eða dálitla snjókomu. Fyrir norðan og austan en loft almennt kaldara og sú úrkoma sem þar fellur verður líkast til á föstu formi.
Veðurhorfur á landinu
Norðan og norðaustan 3-10 m/s og stöku él eða skúrir austanlands og með suðurströndinni, en annars allvíða léttskýjað.
Svipað veður á morgun.Hiti víða 1 til 6 stig, en víða næturfrost og kaldast í innsveitum norðaustantil. Spá gerð: 25.04.2023 04:18. Gildir til: 26.04.2023 00:00.
Veðurhorfur á landinu næstu daga
Á miðvikudag og fimmtudag:
Norðlæg átt, 3-10 m/s og skúrir eða dálítil él á austanverðu landinu og með suðurströndinni, en annars bjart með köflum. Víða vægt frost, en hiti að 6 stigum suðvestantil að deginum.
Á föstudag:
Heldur hvassari norðlæg átt, vægt frost og skýjað á norðanverðu landinu, en lengst af þurrt. Bjartviðri sunnan heiða og frostlaust að deginum.
Á laugardag:
Norðanátt og éljagangur á norðanverðu landinu, einkum norðaustanlands, en annars bjart með köflum og áfram svalt í veðri.
Á sunnudag:
Norðaustanátt. Dálítil él fyrir norðan en þurrt syðra. Hiti breytist lítið.
Á mánudag:
Útlit fyrir svala en hæga austlæga átt og yfirleitt þurrt í veðri.
Spá gerð: 24.04.2023 20:07. Gildir til: 01.05.2023 12:00.
