-3.2 C
Reykjavik
Miðvikudagur - 1. febrúar 2023
Auglýsing

Takk fyrir góðar móttökur Garðbæingar

Auglýsing

Auglýsing

Nýjar fréttir

Auglýsing

Að undanförnu hafa frambjóðendur Miðflokksins í Garðabæ bankað upp á hjá bæjarbúum til þess að afhenda þeim skilaboð og upplýsingar um framboðið okkar. Þessar heimsóknir hafa verið gefandi, upplýsandi og umfram allt skemmtilegar.
Það er mikill samhljómur með bæjarbúum og stefnu Miðflokksins. Íbúar í Garðabæ eru sammála því að álögur á heimilið vegna fasteignaskatta hafa hækkað verulega og vilja að brugðist sé við þeirri hækkun til lækkunar. Skilvirk stjórnun fjármuna mun tryggja betri þjónustu og lægri skatta og gjöld. Bæði Reykjavík og Seltjarnarnes eru með lægri fasteignaskatta en Garðabær og ættum við ekki að vera
eftirbátar þeirra.

Annað sem var tíðrætt við okkur er hvað það er dýrt að vera með börnin í íþróttastarfi í bænum. Að ekki sé veitt lækkun á gjöldum ef systkini eru í íþróttum eða ef þetta unga fólk hefur áhuga á að vera í fleiri en einni íþrótt. Sama er uppi á teningnum í öðru tómstundastarfi í bænum. Miðflokkurinn í Garðabæ ætlar sér að innleiða jafnrétti og jafnræði í íþrótta og tómstundastarfi og mun endurskoða styrki og koma á systkinaafslætti.
 
Einnig var mikið rætt um matinn sem verið er að bjóða börnunum okkar í grunnskólum bæjarins en Miðflokkurinn mun beita sér fyrir því að allur matur verðir framleiddur í Garðabæ, annað hvort í fullbúnum eldhúsum skólanna eða þá á öðrum stað innan bæjarmarkanna. Unga fólkið okkar á skilið bestu fáanlegu næringu sem völ er á og við kappkostum að þannig verði.

Tíðrætt var að Garðbæingar væru að ala upp íbúa fyrir nágrannasveitarfélögin en yngri Garðbæingar neyðast til þess að flytja úr bænum okkar þar sem fasteignaverð í bænum sé of hátt. Það er ekki verið að byggja minna og hagkvæmara húsnæði fyrir ungt fólk sem er að hefjasinn búskap.
Þetta unga fólk kemur líklega ekki aftur í bæinn þar sem börnin þeirra eru komin með vini í þeirra hverfi og vilja ekki skipta um skóla. Þessa þróun vill Miðflokkurinn stöðva með því t.d. að koma á fóthúsnæðisfélagi til að eignast og eða leigja húsnæði á viðráðanlegu verði.
Miðflokkurinn mun síðan tryggja stöðugt framboð lóða til einstaklinga á svipaðan hátt og gert var t.d. þegar Bæjargilið var í uppbyggingu.
Einnig er nauðsynlegt að tryggja það að eldri Garðbæingar þurfi ekki að flytja úr bænum þegar aldurinn fer að færast yfir. Miðflokkurinn mun tryggja það.

Annað sem Garðabær þarf að stórbæta er þjónusta við öryrkja og er það hjartans mál hjá frambjóðendum Miðflokksins í Garðabæ. Það kom nokkuð á óvart þegar rætt var við íbúa Garðabæjar að óánægja er með skipulagsmál í nýjum og gömlum hverfum.
Ef til dæmis er horft til nýjasta hverfisins í Garðabænum okkar þá er það sagt fyrir fjölskyldufólk og það er ekki gert ráð fyrir leikvöllum fyrir börnin okkar og byggingar fá að hækka umfram áður samþykkt skipulag þannig að íbúi sem kaupir sér útsýni yfir vatn og náttúru horfir nú inn í stofuna hjá nágrannanum. Annað varðandi skipulagsmálin er að það er miður að það þurfi hávær mótmæli og undirskriftir til þess að koma í veg fyrir að gamalgróin og kyrrlát hverfi tapi ekki sínum einkennum.

Svona ósætti í skipulagsmálum á ekki að líðast og er kostnaðarsamt fyrir Garðabæ. Miðflokkurinn mun beita sér fyrir því að íbúar geti með skilvirkari og betri hætti komið að ákvörðunum um lítil og stór mál og viljum við t.d. koma á fót íbúa appi eða snjallforriti. Þá getur fólk tekið afstöðu með símanum eða snjalltæki.
Hér er aðeins tekið á örfáum atriðum sem fram hafa komið í heimsóknum okkar frambjóðenda Miðflokksins til íbúa Garðabæjar og munum við kappkosta við það að fara skynsamlegustu leiðirnar til þess að gera góða
bæinn okkar framúrskarandi.
Við bjóðum upp á góðan valkost í kosningunum á laugardaginn. Setjið X við M
Gísli Bergsveinn Ívarsson
Skipar 2. sætið hjá Miðflokknum í Garðabæ.