Kristján Þór Júlíusson, sjávarútvegs- og landbúnaðarráðherra, hefur ráðstafað rúmlega 29 þúsund tonnum aflamagns í bolfiski til sérstakra aðgerða. Er það nokkuð minna magn en á síðasta fiskveiðiári sem skýrist af samdrætti í leyfilegum heildarafla fyrir næsta fiskveiðiár sem fylgir vísindalegri ráðgjöf Hafrannsóknastofnunar.
Um árlega úthlutun er að ræða sem byggir á lögum um stjórn fiskveiða en samkvæmt þeim er 5,3% af afla í hverri fisktegund dregið af leyfilegum heildarafla til að mæta áföllum, til stuðnings byggðalögum, línuívilnunar, strandveiða, rækju- og skelbóta, frístundaveiða og annarra tímabundinna ráðstafana. Hér getur að líta yfirlit um breytingar í aflamagni á milli fiskveiðiára (tonn):
| 2020/21 | 2019/20 | |
| Strandveiðar | 11.100 | 11.100 |
| Línuívilnun | 2.229 | 3.445 |
| Almennur byggðakvóti | 6.128 | 7.069 |
| Skel- og rækjubætur | 2.466 | 2.513 |
| Frístundaveiðar | 300 | 300 |
| Aflamark Byggðastofnunar | 6.857 | 6.899 |
| Samtals aflamagn: | 29.080 | 31.326 |
Reglugerðir um úthlutun má finna hér: