-3.2 C
Reykjavik
Miðvikudagur - 8. febrúar 2023
Auglýsing

Ertu laglaus eða taktlaus?  – Hvað segja vísindin

Auglýsing

Auglýsing

Nýjar fréttir

Auglýsing

Á heimasíðunni Tóneyra.is er athyglinni beint að tón- og taktblindu en það eru raskanir sem einkennast af lagleysi og erfiðleikum við að skynja takt í tónlist. Nú býðst fólki að taka þátt í vísindarannsókn á vegum Íslenskrar erfðagreiningar þar sem markmiðið er að rannsaka erfðabreytileika sem hafa áhrif á tóneyra og taktvísi og tengsl þessara eiginleika við raskanir á borð við málþroskaröskun og lesblindu.
Allir sem hafa náð átján ára aldri og eiga rafræn skilríki geta tekið þátt, svarað stuttum spurningalista og leyst verkefni á vefsíðunni. Þegar því er lokið fá þeir upplýsingar um frammistöðu sína og hvort hún bendi til tón- eða taktblindu.
Tónblindan er frekar sértæk röskun og hefur til dæmis ekki mikil áhrif á skynjun tónhæðar í tungumálinu, einungis í tónlist. Taktblindan virðist að einhverju leyti haldast í hendur við lesblindu og málþroskaraskanir en talið er að ónákvæmni í úrvinnslu hljóðs í tímarúmi geti orsakað vandamál í skynjun á tali og takti. Vísbendingar eru um að þjálfun byggð á takti í tónlist geti mögulega gagnast börnum með málþroskaraskanir og lesblindu en ekkert er vitað um sameiginlega erfðaþætti sem þessu tengjast.