Leifar fellibylsins Epsilon nálgast landið

Hugleiðingar veðurfræðings
Fremur hæg austlæg eða norðaustlæg átt í dag, en allt að 10 m/s norðvestantil. Skýjað með köflum og þurrt að kalla en lítilsháttar él eða slydduél á Norðausturlandi. Í kvöld nálgast svo leifar fellibylsins Epsilon landið suður úr höfum og þá hvessir úr austri syðst á landinu. Fyrrum fellibylurinn hefur sameinast annarri lægð sem nú eru af svipuðum styrk og vetrarlægð á norðanverðu Atlantshafinu. Nýja lægðin staldrar dálítið við, eitthvað út vikuna. Má búast við að hvasst verði með suðurströndinni, allt að 18-23 m/s undir Eyjafjöllum og austur í Öræfum, frá og með í nótt og jafnvel fram á föstudag. Ferðalangar á þessum svæðum ættu að fylgjast með veðurspám og viðvörunum. Við sleppum við mest alla úrkomuna úr lægðinni sem er talsverð á djúpunum suður og suðvestur af landinu. Annars austlæg átt 8-15 m/s á morgun, hvassast norðvestantil. Lítlsháttar él um norðaustanvert landið, en bjart veður vestantil. Spá gerð: 26.10.2020 06:04. Gildir til: 27.10.2020 00:00.
Veðuryfirlit
Rétt NV af Skotlandi er víðáttumikil 977 mb lægð, sem þokast SA, en yfir N-Grænlandi er 1020 mb hæð. Um 750 km A af Nýfundnalandi er kröpp 975 mb lægð, sem hreyfist NA á bóginn og dýpkar.
Samantekt gerð: 26.10.2020 02:30.
Veðurhorfur á landinu
Austan 3-10, hvassast vestanlands, en 10-15 við suðurströndina og á Vestfjörðum seinni partinn. Skýjað með köflum og þurrt að kalla, en lítilsháttar él eða slydduél norðaustantil. Austlæg átt á morgun, víða 8-15 m/s, en 15-20 syðst. Bjart með köflum, en lítilsháttar rigning eða slydda á austanverðu landinu. Hiti 0 til 6 stig, en frost í innsveitum á Norður- og Aausturlandi í kvöld og á morgun.
Spá gerð: 26.10.2020 05:02. Gildir til: 27.10.2020 00:00.
Veðurhorfur á höfuðborgarsvæðinu
Fremur hæg austlæg átt, en 5-10 m/s í kvöld. Bjart með köflum og hiti 2 til 7 stig. Austan 8-13 og áfram bjart á morgun.
Spá gerð: 26.10.2020 05:02. Gildir til: 27.10.2020 00:00.
Veðurhorfur á landinu næstu daga
Á þriðjudag:
Austlæg átt, víða 8-15 m/s, en 15-20 syðst. Bjart með köflum, en lítilsháttar rigning eða slydda á austanverðu landinu. Hiti 1 til 7 stig.
Á miðvikudag:
Norðaustlæg átt, 10-18 m/s. Skýjað og lítlsháttar væta norðan- og austanlands, en bjart yfir Vesturlandi. Hiti 0 til 6 stig.
Á fimmtudag:
Stíf austanátt með rigningu um mest allt land, talsverð suðaustan- og austantil. Hiti breytist lítið.
Á föstudag:
Suðaustan kaldi og rigning um sunnan- og vestanvert landið, en þurrt að mestu og bjartara veður norðaustantil. Áfram svipaður hiti.
Á laugardag:
Suðlæg eða suðvestlæg átt, skýjað og lítlsháttar úrkoma, en bjart og þurrt norðaustanlands. Kólnar lítillega.
Á sunnudag:
Útlit fyrir norðlæga átt og vætum um austanvert landið. Annars skýjað, en léttara yfir syðst. Kólnar dálítið.