Landspítali er á neyðarstigi

33 sjúklingar liggja á Landspítala með COVID-19. Þrír eru á gjörgæslu, tveir þeirra í öndunarvél.  

Meðalaldur innlagðra er 61 ár. Kona á níræðisaldri lést á legudeild í gær af völdum COVID-19.

9.206 sjúklingar eru í COVID göngudeild spítalans, þar af 3.259 börn. Covid sýktir starfsmenn Landspítala (í einangrun eða innlögn) eru 219. Frá upphafi fjórðu bylgju, 30. júní 2021, hafa verið 378 innlagnir vegna COVID-19 á Landspítala.

Talnaupplýsingar um stöðuna á spítalanum eru birtar á www.landspitali.is.