Það er átakanlegt að horfa upp á formann starfshópsins samfélags í Auðlindinni okkar setja sig í dómarasæti um ágæti kerfis sem hann tók sjálfur þátt í að móta ásamt samstarfsmönnum sínum Sveini Agnarssyni og Ragnari Áransyni svo einhverjir séu tíndir til og útiloka alla faglega gagnrýni sem hefur verið sett fram á tillögur þeirra.
Gengur upp í Exel en ekki í hafinu
Eitt af „afrekum“ ofangreindra félaga á sviði vísinda var að endurskoða aflarelguna á árinu 2007, sem þeir höfðu flestir á einhverjum tímapunkti komið að á fyrri stigum. Ástæðan fyrir endurskoðuninni var sú staðreynd að hún hafði aldrei gengið eftir enda gengur hún gegn lögmálum náttúrunnar en ágætlega upp í Excel.
Í stað þess að fara yfir faglegan grundvöll aflareglu var hert á vitleysunni. Niðurstaða dr. Gunnar Haraldssonar var að hagstæðast væri að hætta þorskveiðum algerlega á árinu 2008 og nær alveg á árinu 2009.
Ákveðið var að hins vegar að fara heldur vægar í sakirnar og leggja til 130 þús tonna ársafla á árinu 2008, en sú aðferð átti að skila liðlega 300 þús tonna jafnstöðuafla aðeins siðar en ef farið væri harkalegar í sakinar eða frá árinu 2015. Allir lesendur Sóknarhópsins vita að sú spá Dr. Gunnars og Sveins Agnarssonar ofl. gekk engan veginn upp, enda byggir spáin á tómri dellu.
