Matvælastofnun hefur veitt Arctic Sea Farm hf. rekstrarleyfi til fiskeldis í Patreksfirði og Tálknafirði í samræmi við lög um fiskeldi. Matvælastofnun auglýsti tillögu að rekstrarleyfi á vefsíðu stofnunarinnar þann 5. júlí sl. og var frestur til að skila inn athugasemdum til 2. ágúst 2019. Matvælastofnun bárust athugasemdir frá tveimur aðilum vegna tillögunnar.
Arctic Sea Farm sótti um rekstrarleyfi fyrir 6.800 tonnum af laxi í Patreks- og Tálknafirði. Umsókn um rekstrarleyfi var móttekin 23. september 2016. Úttekt starfsstöðva hefur farið fram og staðfestir Matvælastofnun gildistöku rekstrarleyfis Arctic Sea Farm FE-1145 í Patreks- og Tálknafirði. Við gildistöku nýs rekstrarleyfis fellur rekstrarleyfi til bráðabirgða úr gildi.Hámarkslífmassi eldisins í Patreks- og Tálknafirði mun ekki fara yfir 7.800 tonn sem er í samræmi við burðarþolsmat fjarðanna. Tekið var tillit til áhættumats Hafrannsóknarstofnunar við útgáfu rekstrarleyfisins. Starfsemin er einnig háð starfsleyfi Umhverfisstofnunar.
Framkvæmd fyrirtækisins fór í gegnum mat á umhverfisáhrifum í samræmi við lög um mat á umhverfisáhrifum.
Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.
Ítarefni
- Rekstrarleyfi Matvælastofnunar til Arctic Sea Farm hf. vegna sjókvíaeldis í Patreks- og Tálknafirði
- Matsskýrsla Patreks- og Tálknafjörður
- Matsskýrsla Patreks- og Tálknafjörður, viðbótargögn
- Fyrra álit Skipulagsstofnunar
- Seinna álit Skipulagsstofnunar
- Afstaða Matvælastofnunar til álita Skipulagsstofnunar
Umræða
