Hugleiðingar veðurfræðings
Djúp lægð suðvestur af landinu stjórnar veðrinu hér næstu daga. Austlæg átt og nokkuð hvasst, einkum syðst á landinu þar sem slær í storm. Stöku él eða skúrir um landið austanvert í dag, annars þurrt. Hiti 1 til 6 stig, en í kringum frostmark á Norðaustur- og Austurlandi. Léttskýjað sunnan- og vestanlands á morgun, en dálítil slydda eða rigning í öðrum landshlutum og það hlýnar aðeins. Rigning víða um land á fimmtudag, mest á Suður- og Austurlandi og seinni partinn eða um kvöldið snýst hann í hægari suðaustanátt.
Veðuryfirlit
Um 850 km SSV af Reykjanesi er allvíðáttumikil 940 mb lægð sem fer A, en 600 km SA af Jan Mayen er hægfara 985 mb lægð.
Veðurhorfur á landinu
Austan- og norðaustanátt, 18-23 m/s syðst og víða 10-18 annars staðar, en hægari á NA- og A-landi fram á kvöld. Bjartviðri V-lands, en stöku él eða skúrir um landið A-vert. Hiti 1 til 6 stig að deginum, en í kringum frostmark NA-til á landinu. Léttskýjað S- og V-lands á morgun, annars slydda eða rigning með köflum, einkum á A-landi. Hiti 1 til 8 stig, mildast við S-ströndina.
Veðurhorfur á höfuðborgarsvæðinu
Austan 8-15 m/s, en hvassara á Kjalarnesi fram eftir degi. Bjartviðri og hiti 2 til 7 stig.
Veðurhorfur á landinu næstu daga
Á fimmtudag:
Austan 15-23 m/s og rigning með köflum, en talsverð rigning á SA- og A-landi. Snýst í hægari suðaustanátt seinnipartinn. Hiti 3 til 10 stig, mildast syðst.
Á föstudag:
Suðaustan 5-13 og rigning með köflum, en snýst í sunnan 8-15 síðdegis og styttir upp NA-til. Hiti 2 til 8 stig.
Á laugardag:
Suðlæg átt og dálítil væta S- og V-til, en gengur í ákveðna norðaustanátt síðdegis með rigningu eða slyddu. Hiti breytist lítið.
Á sunnudag:
Breytileg átt og rigning eða slydda með köflum. Hiti 1 til 7 stig, mildast SA-til.
Á mánudag:
Útlit fyrir vestlæga átt og skúrir eða él, en bjart veður A-lands.
Spá gerð: 27.10.2020 08:19. Gildir til: 03.11.2020 12:00.
