-3.2 C
Reykjavik
Miðvikudagur - 8. febrúar 2023
Auglýsing

Engin ný smit greindust á Austurlandi síðastliðinn sólarhring

Auglýsing

Auglýsing

Nýjar fréttir

Auglýsing

Engin ný smit greindust á Austurlandi síðastliðinn sólarhring. Sextán sýni voru tekin í gær en niðurstaða margra þeirra ókomin enn. Hún ætti að liggja fyrir á morgun. Staðfest smit því enn fimm talsins. Eftir smitrakningu hefur þeim sem eru í sóttkví fjölgað lítillega, eru 216 en voru 209 í gær.
Skipulag aðgerða vegna COVID-19
Fundur verður hjá Almannavarnanefnd Austurlands næstkomandi mánudag, en nefndin fundar vikulega. Í Almannavarnanefnd situr fulltrúi lögreglu, fulltrúar allra sveitarfélaga á svæðinu sem og fulltrúar slökkviliðanna tveggja í Fjarðabyggð og Fljótsdalshéraði. Þá hafa, vegna COVID-19 veirunnar, fulltrúar frá Heilbrigðisstofnun Austurlands (HSA) mætt á fundi almannavarnanefndar, Rauða krossinum, Landsbjörgu, tollgæslunni, ISAVIA vegna alþjóðaflugvallarins á Egilsstöðum og Smyril Line vegna Norrænu á Seyðisfirði.
Þá fundar aðgerðastjórn nú daglega vegna ástandsins. Þar eiga sæti fulltrúar lögreglu, Heilbrigðisstofnunar Austurlands, sveitarfélaganna tveggja Fjarðabyggðar og Fljótsdalshéraðs, fyrir hönd félagsþjónustu þeirra sem saman sinna öllu Austurlandi, og fulltrúi Rauða krossins.
Aðrir fulltrúar Almannavarnanefndar, þeir sem ekki sitja í aðgerðastjórn, hafa og aðkomu að fundum hennar með því að bera fram dagskrárefni auk þess að vera upplýst daglega um það sem í gangi er. Það er mat þeirra sem sitja í Almannavarnanefnd og aðgerðastjórn að skipulagið hafi reynst vel og sé skilvirkt. Þá er rétt að hafa í huga þessu til viðbótar að margir smærri hópar eru starfandi á svæðinu á vegum þessara og fleiri stofnana og félagasamtaka. Allir hafa þeir sama markmið að leiðarljósi, að aðstoða íbúa sem þess þurfa og koma okkur þannig í gegnum þetta verkefni saman.

Eitt smit í Vestmannaeyjum

Eitt smit hefur greinst til viðbótar í Vestmannaeyjum og eru staðfest smit því orðin 54. Aðilinn var ekki í sóttkví. Fjöldi einstaklinga sem hafa verið settir í sóttkví er orðinn 593 og hafa 136 lokið sóttkví. Niðurstaða hefur ekki borist vegna allra sýna sem send hafa verið til rannsóknar vegna tafa við vinnslu hjá LSH. Þrátt fyrir að staðfest smit séu fá síðustu daga megum við ekki sofna á verðinum og förum að öllu með gát.
Samkvæmt sóttvarnalækni er reiknað með að faraldurinn nái hámarki um miðjan apríl svo enn eigum við von á að greina fleiri smit í samfélaginu líkt og um allt land. Mikilvægi þess að fara að leiðbeiningum um sóttvarnir, sóttkví, einangrun, samkomubann, fjarlægðarmörk, takmarkað samneyti og að fólk haldi sig mest heima eru áréttaðar enda gríðarlega mikilvægt að farið sé að fyrirmælum þar til við erum komin vel yfir toppinn í smitum.

Við erum núna stödd á viðkvæmum tíma og getum í sameiningu haft mikil áhrif á útbreiðslu sjúkdómsins í Vestmannaeyjum.
Förum gætilega og hlýðum Víði.
Aðgerðastjórn