5.6 C
Reykjavik
Föstudagur - 3. febrúar 2023
Auglýsing

Vítalía og Arnar Grant kærð fyrir tilraun til fjárkúgunar

Auglýsing

Auglýsing

Nýjar fréttir

Auglýsing

Víta­lía Lazareva og Arnar Grant hafa verð kærð til héraðs­sak­sóknara fyrir til­raun til fjár­kúgunar, hótanir og brot gegn frið­helgi einka­lífs. Þetta herma heimildir Frétta­blaðsins í dag. Kær­endur eru Ari Edwald, Hregg­viður Jóns­son og Þórður Már Jóhannes­son. Vegna máls sem má rekja til meintrar pottaferðar í sumar­bú­stað í Skorra­dal í októ­ber 2020.

Í fréttinni kemur fram að ekki hafði verið gert ráð fyrir Vítalíu í ferðinni, heldur voru þeir þar að skemmta sér Ari, Arnar, Hregg­viður, Þórður Már og Þor­steinn M. Jónsson en hún kom í bú­staðinn eftir vinnu sína. Tvennum sögum fer af því hvernig á því stóð en hún var sögð komin til þeirra um mið­nætti og var ölvun orðin tölu­verð í bú­staðnum og yfir­gaf Þor­steinn sam­kvæmið stuttu síðar.

Eftir umrætt kvöld munu engin sam­skipti hafa átt sér stað milli Ara, Hreggviðar og Þórðar annars vegar og Vítalíu hins vegar fyrr en ári síðar. Þann 28. októ­ber að þeir fengu skila­boð frá henni þess efnis að hún hyggðist leita réttar síns vegna at­vika sem í bú­staðnum hefðu orðið. Fyrir há­degi næsta dag, 29. októ­ber 2021 leituðu þeir Ari, Hregg­viður og Þórður skýringa á skila­boðunum hjá Arnari Grant, sem gat engar skýringar gefið.

Síð­degis þennan sama dag birti Víta­lía frá­sögn á Insta­gram þess efnis að brotið hafi verið á henni kyn­ferðis­lega í heitum potti í sumar­bú­stað ári áður og birtir hún nöfn Ara, Hregg­viðs, Þórðar Más og Arnars Grant. Færslan er tekin niður síðar sama dag. Arnar var í hópi þeirra sem sakaður var um brot í fyrr­nefndri færslu Vítalíu.

Í kjölfarið sendi Víta­lía skila­boð til sonar eins mannana og greindi honum frá því að hún hygðist kæra föður hans. Svo fóru að berast um­slög í bréfa­pósti, bæði til fjöl­skyldu­með­lima mannana, og sam­starfs­manna þeirra í við­skipta­lífinu. Í um­slögunum sem voru stíluð á til­tekna við­tak­endur með rauðum túss­penna, voru út­prentuð skjá­skot af fyrr­nefndri færslu Vítalíu á­samt miða með orðunum: „Hver borgaði milljónir fyrir þögnina“ og „hver átti húsið með heita pottinum?“

Meðal þeirra sem fengu slíkar póst­sendingar voru kona Þórðar, stjórnar­konur í Festi, fram­kvæmdar­stjóri Krónunnar og stjórnar­for­maður og fram­kvæmdar­stjóri Mjólkur­sam­sölunnar. Síðar í mánuðinum fékk kona Hregg­viðs einnig slíka sendingu að því er fram kemur í fréttinni og jafnframt: ,,Um sama leiti og skeyta­sendingar gengu sem harðast, leituðu kær­endur til lög­manns sem þekkti til fjöl­skyldu Vítalíu í þeim erinda­gjörðum að biðja hann að setja sig í sam­band við hana í því skyni að komast að því hvað vekti fyrir henni. Er lög­maðurinn talinn mikil­vægt vitni um at­vik máls en hann er sagður hafa borið skila­boð frá hinum kærðu til kær­enda. Fundaði hann þrisvar sinnum með Vítalíu og er Arnar sagður hafa verið með henni á tvemur þeirra funda, sem ráð­gjafi hennar. Fundir þessir fóru fram 8. og 14. desember.

Heimildir Fréttablaðsins herma að lög­maðurinn hafi borið þre­menningunum þau skila­boð frá Vítalíu og Arnari að greiða þyrfti al­vöru fjár­hæð til að allir gengju stoltir frá borði og hefðu hags­muni af því að þegja. Taldi hann framan af að ger væri krafa upp á fimm­tíu milljónir en meðal gagna málsins er einnig skjá­skot af skila­boðum til lög­mannsins með hug­mynd um greiðslu upp á 3 sinnum þá fjár­hæð, sam­tals 150 milljónir „eftir skatta“ eins og það er orðað. Er í kærunni gengið út frá því að skila­boðin séu frá Vítalíu en Frétta­blaðið hefur ekki fengið stað­fest að svo sé. Í skilaboðunum segir:

„Þá þarf að stilla því upp að þetta er upphæðin eftir skatt svo ekki séu svona brellur eins og þeir voru með síðast. Hvort hægt sé að greiða fyrir ráðgjöf og setja það þannig upp eða eins og sé verið að greiða fyrir hugvit eða slíkt.“

Í Fréttablaðinu segir að þeir telji þetta sýna ásetning fjárkúgunar. Fram kemur í fréttinni að engin kæra hafi borist á hendur þeim fyrir kynferðisbrot, þvert á hótanir og fullyrðingar þar að lútandi. Í kæru þre­menningana kemur fram það mat að bæði sím­töl og skila­boð Vítalíu og nafn­lausu bréfin sýni á­setning til fjár­kúgunar og að um­rætt fram­ferði hafi haft þann til­gang að auka líkur á að fjár­kúgun bæri árangur.