,,Þetta er ekkert annað en viðbótar skattheimta“
Stofnuð hefur verið síðan NEI við veggjöldum og er hún mótmælasíða gegn lögum sem leyfa gjaldtöku á leiðum inn og út úr Reykjavíkurborg. Slíkar mótmælasíður eru mjög algengar í Noregi vegna hrikalega hárra skattheimtu á fjölskyldubíla. Þar hefur samgönguráðherra sótt allar sínar hugmyndir um mjög umdeilda og ósanngjarna vegtolla, eins og þeim er lýst þar í landi og nú á Íslandi. Í kynningu á síðunni segir:
Við sem setjum LIKE á þessa síðu skorum á forseta Íslands að skrifa ekki undir þau lög sem leyfa gjaldtöku á leiðum inn og út úr Reykjavíkurborg.
Í Noregi kostar 120 norskar krónur eða ígildi rúmlega 1500 íslenskra króna að ferðast til og frá vinnu á dag fyrir þá sem búa í úthverfum. Þetta eru um 30 þúsund krónur á mánuði eða 360 þúsund á ári, meira en útborguð mánaðarlaun verkamanns. Þetta er ekkert annað en viðbótar skattheimta á þá sem hafa ekki efni á búa í miðborginni. Íslenska ríkisstjórnin, ásamt sveitarstjórnum á Höfuðborgarsvæðinu, ætlar nú að taka upp sömu stefnu sem gerir ekkert nema auka álögur á þá lægst launuðu. NEI við veggjöldum
https://gamli.frettatiminn.is/2019/09/12/vegtollar-geta-ordid-400-thusund-kronur-a-hvern-bil/