Landsréttur hefur staðfest að tvær stúlkur skuli vistaðar tímabundið í umsjá föður, en ekki móður, í forræðisdeilu sem upphófst eftir að í ljós kom að móðirin hafði logið til um krabbamein. Þá hafði hún sakað föðurinn um að hóta að skjóta börnin.
Fjallað er ítarlega um málið á vef ríkisútvarpsins og hér að neðan er dómurinn yfir móður sem beitti grófu tálmunarofbeldi gagnvart dætrum sínum og föður þeirra. Flestar tegundir af því ofbeldi sem móðirin beitti eru vel þekktar og algengar á Íslandi. Eins og að ljúga upp á föður og dreifa þeim lygum sem víðast, eitra hug barna og kerfisins gagnvart föður.
Saka föður um vanrækslu eða meint ofbeldi og fara jafnvel í Kvennaathvarf til að það líti betur út á pappírum gagnvart kerfinu. Þeir sem beita tálmunarofbeldi, oftast mæður, búa til umfangsmikinn blekkinga- og lygavef gagnvart börnum sínum, fjölskyldu og barnaverndarkerfinu sem og dómskerfinu.
Í þessu máli hér að neðan eiga þessi atriði öll við og rúmlega það eins og kemur fram á vef rúv.is:
Málavextir:
Upp úr sambandi foreldranna slitnaði í vor eftir að í ljós kom að móðirin, sem er læknir, hafði logið til um að vera með krabbamein á lokastigi. Hún hafði ávísað lyfjum á sjálfa sig og nákomna og tekið þau sjálf.
Undir könnun og meðferð málsins hafi starfsfólk komist að því, um miðjan mars 2025, að frásagnir móður um veikindi hennar og greiningu á krabbameini væru rangar. Upplýsingarnar komu föður í opna skjöldu. Fyrirhugaðri brúðkaupsveislu sem hafi átt að vera í lok mánaðar hafi verið aflýst og þau skilið að skiptum.
Sagði föðurinn ætla að skjóta dæturnar
Upp komst um blekkingar móðurinnar við rannsókn barnaverndar, sem hófst vegna gruns um að faðirinn beitti móðurina andlegu ofbeldi. Móðirin hafði kallað sérsveitina til og fullyrt að faðirinn héldi börnunum í gíslingu og hótaði að skjóta þau. Varð það til þess að faðirinn var handtekinn en móður og dætrum komið fyrir í Kvennaathvarfinu.
Við rannsókn málsins kom svo í ljós að móðirin var ekki með krabbamein, eins og hún hafði fullyrt.
Ásakanir á hendur föðurnum áttu ekki við nein rök að styðjast
Þótt það sé ekki sagt berum orðum í dóminum virðist jafnframt hafa orðið ljóst við rannsóknina að ásakanir hennar á hendur föðurnum áttu ekki við nein rök að styðjast.
Föðurnum og stúlkunum hafi þá verið komið „í öruggt skjól“ en svo virðist sem faðirinn hafi þurft að óttast móðurina eða menn á hennar vegum.
Önnur niðurstaða eftir að frekari gögn bárust
Konan leitaði til dómstóla til að reyna að fá úrskurðinn felldan úr gildi. Héraðsdómur Reykjaness tók undir með konunni og felldi úrskurðinn úr gildi. Sagði í úrskurði héraðsdóms að þrátt fyrir að það væri alvarleg háttsemi hjá konunni að ljúga til um krabbamein væri ekki hægt að líta svo á að stúlkunum stafaði ógn af því að dvelja hjá móður sinni.
Barnavernd kærði úrskurðinn til Landsréttar, sem sneri honum við. Fyrir Landsrétti voru enda lögð fram ný gögn frá sálfræðingi á Landspítala um að konan væri ekki talin geta sinnt börnunum.
Eins var lagt fram bréf frá leikskólastjóra stúlknanna þar sem fram kom að starfsmenn hefðu merkt miklar breytingar til hins betra á líðan annarrar stúlkunnar eftir að móðirin fór af heimilinu.
Föður hótað ofbeldi af móður
Þá voru jafnframt lögð fram gögn sem sýndu fram á að maður sem hefði hótað föðurnum, bæði í sms-skilaboðum og síðar með því að mæta að heimili þeirra, hefði gert það að beiðni móðurinnar.
Tveir menn mættu á heimili fjölskyldunnar 30. apríl 2025 og hafi náðst myndbandsupptaka af þeim á dyrasíma þar sem þeir hafi virst leita að barnsföður. Síðar hafi komið í ljós að hótanir hafi borist frá einstaklingum tengdum móðurinni. Barnsfaðir dvaldi frá 5. maí til 13. júní 2025 af öryggisástæðum í ákveðinni íbúð með stúlkurnar, en hann hafi frá þeim tíma búið með þær á heimili fjölskyldunnar.
Landsréttur hefur staðfest úrskurð umdæmisráðs barnaverndar í Kraganum þess efnis að tvær stúlkur skuli vistaðar „utan heimilis móður“ í allt að fjóra mánuði.
Hafir þú ábendingu um tálmunarmál þá eru ábendingar vel þegnar gegn trúnaði: frettatiminn@frettatiminn.is
