Hér eru helstu fréttir lögreglu á höfuðborgarsvæðinu frá klukkan 17:00 til 05:00 í morgun samkvæmt dagbók.
Lögreglustöð 1
- Tilkynnt um aðila í annarlegu ástandi við verslunarkjarna í hverfi 104. Honum ekið að dvalarstað sínum.
- Tilkynnt um grunsamlegar mannaferðir í hverfi 101. Fannst ekki þrátt fyrir leit.
- Tilkynnt um meðvitundarskertan aðila utan við skemmtistað í hverfi 101. Reyndist vera ölvun og var viðkomandi ekið til síns heima.
- Tilkynnt um háværa dynki frá íbúð í hverfi 105. Þegar lögreglumenn komu á vettvang kom í ljós að dynkirnir áttu sér eðlilegar skýringar en þar var húsráðandi að berja svínakjöt með kjöthamri með tilheyrandi látum.
- Tilkynnt um aðila sem hafði fengið glerflösku í höfuðið á skemmtistað í hverfi 101. Gerandi óþekktur en hinn slasaði var fluttur á slysadeild til aðhlynningar.
- Bifreið stöðvuð í hverfi 105. Ökumaður grunaður um akstur undir áhrifum vímuefna auk þess að vera sviptur ökuréttindum vegna fyrri afskipta lögreglu.
- Skemmtistað lokað í hverfi 101 vegna þess að þar var enginn starfandi dyravörður með réttindi.
- 200 manna ungmennasamkvæmi lokað á skemmtistað í hverfi 101 en þar var verið að veita áfengi til gesta undir 20 ára aldri.
Lögreglustöð 2
- Tilkynnt um þjófnað frá verslun í hverfi 210. Grunaður laus að lokinni skýrslutöku
Lögreglustöð 3
- Aðili handtekinn og vistaður í fangageymslu lögreglu fyrir rannsókn máls vegna líkamsárásar í hverfi 111.