Áhöfnin á TF-GRO, þyrlu Landhelgisgæslunnar, var kölluð út um hádegisbil í gær vegna franskrar ferðakonu sem féll fram af klettabrún á Heimaey. Konan féll um 15 metra og valt þar að auki aðra 15-20 metra niður snarbratta hlíð.
Björgunarsveitarfólk frá Vestmannaeyjum komst að konunni sjóleiðina og hlúði að henni þar til þyrla Landhelgisgæslunnar kom á vettvang.
Sigmaður þyrlunnar seig niður til konunnar sem var hífð um borð í þyrluna og flutt á Landspítalann í Fossvogi.
Umræða
