-4.2 C
Reykjavik
Fimmtudagur - 9. febrúar 2023
Auglýsing

Gul viðvörun vegna veðurs og allt að 15 stiga frost

Auglýsing

Auglýsing

Nýjar fréttir

Auglýsing

Hugleiðingar veðurfræðings

Það er köld norðanátt á landinu í dag, hvasst á Austfjörðum og suðaustanlands en víða kaldi annars staðar. Á Suðurlandi léttir til, en gengur á með éljum norðan- og austantil á landinu. Frost 2 til 15 stig. Hægari norðanátt á morgun og dálítil él, en bjartviðri sunnan heiða. Talsvert frost. Spá gerð: 29.12.2022 06:35. Gildir til: 30.12.2022 00:00.

Veðuryfirlit
Við Hjaltlandseyjar er allvíðáttumikil 967 mb lægð sem fer N, og frá henni er lægðardrag í átt til Íslands.

Veðurhorfur á landinu
Norðan og norðaustan 5-13 m/s, en 13-20 á Suðausturlandi og Austfjörðum. Víða éljagangur, en þurrt að kalla sunnan heiða. Frost 2 til 15 stig. Heldur hægari í kvöld. Minnkandi norðlæg átt á morgun, 3-10 eftir hádegi en 10-15 suðaustantil og á Austurlandi. Dálítil él, en þurrt og bjart syðra. Herðir á frosti. Vaxandi suðaustanátt vestast annað kvöld.
Spá gerð: 29.12.2022 10:37. Gildir til: 31.12.2022 00:00.

 Gul viðvörun vegna veðurs: Austfirðir og Suðausturland

Veðurhorfur á höfuðborgarsvæðinu
Norðaustan 5-10 m/s og bjart að mestu, frost 4 til 14 stig. Hægari austlæg átt á morgun og herðir á frosti. Spá gerð: 29.12.2022 10:41. Gildir til: 31.12.2022 00:00.

Veðurhorfur á landinu næstu daga
Á laugardag (gamlársdagur):
Breytileg átt 5-15 m/s og snjókoma með köflum, en suðaustan 13-18 vestantil fram eftir morgni. Minnkandi frost, víða 0 til 12 stig seinnipartinn.

Á sunnudag (nýársdagur):
Snýst í suðvestan 5-10. Víða él, en léttir til á norðaustanverðu landinu. Kalt í veðri. Bætir í vind síðdegis og dregur úr frosti.

Á mánudag:
Sunnan 8-13 og snjókoma eða slydda með köflum, en úrkomulítið á norðaustanverðu landinu fram á kvöld. Frost 0 til 6 stig, en frostlaust við suðurströndina.

Á þriðjudag:
Vestlæg eða breytileg átt og dálítil él vestanlands, annars þurrt að kalla. Frost 0 til 10 stig.

Á miðvikudag:
Norðlæg átt og él, en þurrt um landið sunnanvert. Herðir á frosti.
Spá gerð: 29.12.2022 08:43. Gildir til: 05.01.2023 12:00.