Helstu tíðindi LRH frá tímabilinu 17:00 – 05:00 voru af ýmsum toga eins og endra nær og hér er stiklað á stóru.
Lögreglumenn við eftirlit sáu hvar ökumaður var upptekinn af farsíma sínum við akstur. Litlu mátti muna að ökumaðurinn hefði ekið á vegfaranda á rafmagnshlaupahjóli, ökumanninnum rétt tókst að nauðhemla. Ökumaðurinn viðurkenndi brot sitt og verður hann kærður fyrir að nota farsíma án handfráls búnaðar.
Aðili skemmdi innanstoksmuni í íbúð og kom sér undan áður en lögregla kom á vettvang. Lögregla tók skýrslu af húsráðanda.
Tilkynnt var um líkamsárás og hótanir í hverfi 221. Lögregla fór á vettvang og ræddi við báða aðila máls.
Lögregla send ásamt sjúkrabifreið í samkvæmi þar sem að aðili hafði misst meðvitund. Á vettvangi var mikil ölvun gesta. Sumir gestanna virtust ekki sáttir með veru viðbragðsaðila á vettvangi og reyndu að hindra lögreglu og sjúkraflutningamenn við störf með því halda í sjúkrabörur, hindra aðgang að lyftu ásamt því að ausa fúkyrðum yfir lögreglumenn. Einn aðili hafði sig í mestu og var hann handtekinn og vistaður í fangaklefa. Fíkniefni fundust í fórum hans við komuna á lögreglustöð.
Tilkynnt um líkamsárás í hverfi 200. Lögregla náði tali af báðum aðilum.
Á annan tug ökumanna voru stöðvaðir vísvegar á höfuðborgarsvæðinu grunaðir um akstur undir áhrifum áfengis og/eða fíkniefna. Nokkrir þessara ökumanna voru án gildra ökuréttinda.
Nokkrir ökumenn voru kærðir fyrir of hraðan akstur. Sá sem að hraðast ók, ók á 109 km hraða þar sem að leyfður hámarkshraði er 60 km klst.
