Ákærði var fundinn sekur um brot í nánu sambandi og dæmdur til að sæta fangelsi í 60 daga. Með vísan til hreins sakaferils ákærða var fullnustu refsingarinnar frestað skilorðsbundið til tveggja ára.
Mál þetta, sem þingfest var og dómtekið fimmtudaginn 11. apríl sl., er höfðað með ákæru lögreglustjórans í Vestmannaeyjum þann 19. mars sl., á hendur X fyrir ofbeldi í nánu sambandimeð því að hafa, snemma morguns veist að A,B, og slegið hana að minnsta kosti einu hnefahöggi í andlitið og sparkað og slegið hana ítrekað í líkamann þar sem hún lá í gólfinu og […], allt með þeim afleiðingum að A hlaut bólgu og þreifieymsli undir hægra auga, mar undir vinstra auga, skrámu við augabrún, eymsli í hársverði hægra megin, þreifieymsli yfir bringu, eymsli og mar á hægri upphandlegg, mar á vinstri upphandlegg, rispur og klórför á hægri síðu, mar á hægri rasskinn og eymsli á hægri sköflungi.
Ákærði mætti ekki við þingfestingu málsins þrátt fyrir lögmæta birtingu ákæru þann 25. mars sl., ásamt fyrirkalli þar sem þess var getið að málið kynni að verða dæmt að ákærða fjarstöddum. Málið var því tekið til dóms samkvæmt 161. gr. laga nr. 88/2008 um meðferð sakamála.Um málavexti vísast til ákæruskjals. Sannað er að ákærði hefur gerst sekur um þá háttsemi sem honum er gefin að sök í ákæru og þar þykir rétt færð til refsiákvæða. Ákærði hefur með háttsemi sinni unnið sér til refsingar. Samkvæmt framlögðu sakavottorði hefur ákærðiekki áður sætt refsingu.
Refsing ákærða er hæfilega ákveðinfangelsi í 60 daga. Að virtum atvikum málsog að teknu tilliti til þess að ákærði hefur ekki áður sætt refsingu, þykir rétt að fresta fullnustu refsingarinnar og skal hún falla niður að liðnum tveimurárumhaldi ákærði almennt skilorð 57. gr. almennra hegningarlaga nr. 19/1940, með áorðnum breytingum.Með vísan til 235. gr. laga nr. 88/2008 um meðferð sakamála, ber að dæma ákærða til greiðslu alls sakarkostnaðar, sem nemur samkvæmt yfirliti lögreglu samtals 150.910kr.
