Konan sem var flutt á sjúkrahús í Reykjavík í gær frá Reynisfjöru er látin

Kona sem var flutt slösuð á sjúkrahús í Reykjavík í gær eftir að hafa lent í slysi við Reynisfjöru er látin. Konan hlaut höfuðáverka þegar hún féll á göngustíg sem liggur frá bílastæðinu við Reynisfjöru niður í fjöruna.
Hún var erlendur ferðamaður, fædd árið 1938, og var á ferð um Ísland með fjölskyldu sinni. Þetta kemur fram í tilkynningu frá lögreglunni á Suðurlandi.

Þar segir að tilkynning hafi borist neyðarlínu um kl. 14:30 í gær og að viðbragðsaðilar á Suðurlandi hafi þegar verið kallaðir til.
Konan hafi verið flutt til móts við þyrlu Landhelgisgæslunnar með sjúkrabifreið og svo áfram með þyrlunni til Reykjavíkur.