-1.2 C
Reykjavik
Þriðjudagur - 31. janúar 2023
Auglýsing

Lögregla og drengur borin röngum sökum á fréttavef

Auglýsingspot_img

Nýjar fréttir

Auglýsingspot_img

Lögregla er sögð hafa lagt hendur á pilt og að hann hafi verið staðinn að þjófnaði í verslun. Hið rétta er skv. upptökum úr eftirlitsmyndavélum verslunarinnar, að bæði lögreglan og drengurinn voru borin röngum sökum á fréttavefnum. Ekkert virðist vera rétt í frásögninni, en vitnað er í facebookfærslu aðila úti í bæ sem heimildarmanns fyrir fréttinni

,,Vegna fréttar á menn.is, þar sem vitnað er í fésbókarskrif um afskipti lögreglu af ungum pilti í verslun í Breiðholti í síðustu viku, vill Lögreglan á höfuðborgarsvæðinu taka fram að málsatvik voru ekki með þeim hætti sem þar er lýst.
Þar ber að nefna að umræddur piltur var ekki staðinn að þjófnaði né var hann grunaður um nokkuð slíkt og því mjög mikilvægt að það komi fram.
Jafnframt skal þess getið að lögreglumenn á vettvangi áttu engin orðaskipti við þann sem ritaði áðurnefnda fésbókarfærslu og virðist umfjöllun viðkomandi byggð á misskilningi.
Orðum um að lögreglumenn hafi lagt hendur á piltinn er algjörlega vísað á bug.
Skoðun á myndefni úr eftirlitsmyndavélum á og við vettvang staðfestir enn frekar að allar ávirðingar í garð lögreglu í málinu eru ekki á rökum reistar.“ Segir lögreglan á Höfuðborgarsvæðinu.