Ellefu ný smit greindust í gær þar af tíu á veirufræðideild Landspítalans og eitt hjá Íslenskri erfðagreiningu. Rúm 2.400 sýni voru tekin í gær.
Fimmtíu eru í einangrun með virkt smit og hafa ekki verið fleiri síðan 3. maí. Einn er á sjúkrahúsi en hann var lagður inn á legudeild smitsjúkdómadeildar Landspítalans í gær.
Þetta kemur fram í nýjum tölum á covid.is. Ekki kemur fram hvort þeir sem greindust hafi verið í sóttkví. Þá greindust tveir með kórónuveiruna í landamæraskimun en þeir bíða eftir niðurstöðu úr mótefnamælingu.
Hertar aðgerðir stjórnvalda vegna kórónuveirufaraldursins taka gildi á hádegi í dag og þær munu gilda að óbreyttu til þrettánda ágúst eins og greint var frá í gær.
