Meint: Stórfelld skattalagabrot, víðtækur þjófnaður, stórfelld undanskot eigna, eignir erlendis, aflandsreikningar, tryggingasvik, ítrekuð risagjaldþrot upp á milljarða og undanskot á eignum, peningar í innkaupapoka, svört atvinnustarfsemi, spilling og fleira.
Eru vel útskýrð í nýrri bók sem er í smíðum ásamt fjölda af myndum af nafngreindum persónum, opinberum gögnum, viðtölum, hljóðupptökum, lögregluskýrslum, uppljóstrunum og er vel stutt með mörgum kílóum af vinnugögnum.
Þá er bókakápan með myndum af þjóðþekktum einstaklingum og öðrum minna þekktum, bæði úr viðskiptalífinu og úr öðrum greinum. Þá eru myndir af ,,höll og bílaflota erlendis ,,sem hafi ekki ratað á íslensk skattframtöl, hjá launalausu fólki sem eru eigendur.“ Mikil leynd hefur verið yfir skrifum bókarinnar sem hefur staðið yfir á árinu og er Fréttatíminn bundinn trúnaði um efni hennar en mun birta valda kafla reglulega úr bókinni með nöfnum og myndum á næstunni.
Hvað varð um eignirnar sem voru ,,hreinsaðar“ úr fyrirtækinu?
Um er að ræða mjög áhugaverða bók sem lýsir í smáatriðum hvernig höfundur hennar hefur lent í klóm fólks sem á sér mjög langa og vafasama og jafnvel glæpsamlega fortíð í viðskiptum. Til dæmis segir í yfirlýsingu skiptastjóra á einum gjaldþorta rekstri fjölskyldunnar. Að eignir þrotabúsins hafi verið ,,hreinsaðar út úr fyrirtækinu.“
Skiptastjórinn orðar það með þeim hætti í gjaldþroti, þar sem lýstar kröfur voru nálægt milljarði. En að sjálfsögðu er þar bara um lýstar kröfur að ræða og má gera ráð fyrir að fjölmargir hafi ekki séð tilgang í því að lýsa kröfum í eignarlausan rekstur. Hvað varð um eignirnar sem voru ,,hreinsaðar“ úr fyrirtækinu?“ Því er lýst nákvæmlega í viðtali við vitni í einum kafla bókarinnar. Í kjölfar uppljóstana er mjög líklegt að endurupptaka þurfi gjaldþrotaskiptin á öllum gjaldþrota fyrirtækjunum og velta þar við hverjum steini.
Þá er stuðst við viðtal við mann sem átti viðskipti við fjölskylduna og hann lagði 90 milljónir í peningum í reksturinn sem fjárfestir í upphafi sem urðu að lokum 200 milljónir sem hann tapaði. ,,Forsvarsmaður fyrirtækis fjölskyldunnar laug að honum og bankanum til skiptis, uns maðurinn átti fund með bankanum og svikamyllan afhjúpaðist.“ Segir meðal annars í þeim kafla bókarinnar.
,,Til að gera langa sögu stutta var fyrirtæki fjölskyldunnar keyrt í gjaldþrot af bankanum og fasteign þess seld á nauðungaruppboði. Fjölskyldan hafði þá þegar stofnað aðra kennitölu um reksturinn, vel áður og sigldi undir fölsku flaggi á meðan verið var að selja eigur sem voru veðsettar hjá bönkum og lánastofnunum eins og vel er útskýrt með staðfestum opinberum gögnum. Í raun og veru var þessum 200 milljónum í peningum hreinlega stolið af grandlausum, velviljuðum mannni og hann er bara eitt af fjölmörgum fórnarlömbum þessarar siðblindu fjölskyldu.“ Segir í einum kafla bókarinnar.
Þjófnaður á fasteign
Þá fjalla nokkrir kaflar bókarinnar um viðskipti undir fyrirsögninni ,,Þjófnaður á fasteign“, en það er heiti fyrsta kaflans. Í þeim kafla segir m.a. ,,Þetta var bara þrælskipulögð glæpastarfsemi, þar sem fyrrverandi eiginkona og foreldrar hennar skipulögðu þjófnað á fasteign og heimili fyrrverandi tengdasonar sem greiddi hverja krónu af verði eignarinnar, allt viðhald og allt það sem honum sem fasteignareiganda ber að gera. ,,Ég sé það eftir á að þau gáfu sér nokkra mánuði í glæpa verkið og meðal annars var brotist inn í tölvuna mína, gögnum eytt og brotist inn í skjalaskápinn minn í sama tilgangi. En ég er með alla greiðsluseðla og rafrænar skráningar sem betur fer til að framvísa fyrir dómi. Öryrkinn sem ég bjó með, átti ekkert og fyrirtæki fjölskyldunar gjaldþrota á þeim tíma.“
Ætla nú að reyna að stela 180 milljóna fasteign
Þetta er í raun og veru eins og að lenda í Nígeríusvindlurum, það sá ég þegar ég afhjúpaði þau. Þann dag flúði eiginkonan upp til fjalla í bókstaflegri merkingu. Hún hefur ekki getað horft framan í mig eftir öll svikin og ég hef ekki heyrt í henni né séð síðan árið 2022. Mér skilst að hún fari í matvöruverslanir að næturlagi, skömmin er svo mikil og hún blokkaði mig í síma, og á netinu og lét sig hverfa, daginn sem ég afhjúpaði svikamyllu hennar. Þannig að engin leið var að ná sambandi við hana og hún og foreldrarnir hafa forðast mig eins og heitan eld.
Hún vissi þá meira en ég enda tók það mig mánuði að rannsaka þau glæpsamlegu svik og pretti sem höfðu verið skipulögð gegn mér af einbeittum og ógeðslegum brotavilja og þau eru enn að. Mig var farið að gruna síðustu mánuðina að allt væri ekki með felldu, svikin og lygarnar voru farnar að koma upp á yfirborðið. Það voru ýmis púsl sem vantaði og ég lýsi því vel í öðrum köflum bókarinnar hér á eftir. Siðblindar manneskjur eiga erfitt með að greina rétt frá röngu og trúa eigin lygi og leikritum, blindandi. Af gefnu tilefni hef ég lesið allt um siðblindu. Eins og þekkt er með siðblindar ofbeldismanneskjur var grunur minn gaslýstur með því að segja að ég væri með þráhyggju og sú mantra kveðin í tíma og ótíma. Hið sanna hefur komið í ljós.
Þegar ég hafði náð tökum á að sjá heildarmyndina og svo síðar þegar ég fór að rannsaka málið. Þá var niðurstaðan sú að þetta var þaulskipulögð glæpastarfsemi af þeirra hálfu sem hafði staðið yfir í nokkra mánuði. Þau ætluðu sér að ræna af mér aleigunni sem ég lagði alla mína peninga og vinnu í, frekar en séreignasparnað. Fasteignin, innbúið og ógreidd afnot nema um 180 milljónum sem þau ætla nú að reyna að stela. Ef ég hefði ekki verið búsettur á Íslandi, hefði einfaldlega verið ráðinn leigumorðingi til að skjóta mig með kúlu í höfuðið. Þetta fólk er hjartalaust og samviskulaust. “
Þá kemur fram að þrír fyrrverandi tengdasynir hafi komið misjafnlega illa út úr viðskiptum við fjölskylduna og að þjófnaður á persónulegum eignum tveggja þeirra upp á tugi milljóna, hafi verið svívirðilegur og vel skipulagður. Þá er einn nýlegur þjóðþekktur tengdasonur enn í fjölskyldunni. Þá eru rædd mjög persónuleg málefni þar sem hulunni er svipt af ýmsu sem verður ekki birt að sinni.
Tengdafaðirinn fyrrverandi sagðist ætla að ljúga fyrir rétti
Í köflum bókarinnar þar sem rætt er um fyrrverandi tengdaföður, kemur fram að hann hafi sagst ætla að ljúga fyrir rétti. ,,Þegar ég kom á vinnustað hans, brá honum illilega við þar sem hann stóð úti á miðju gólfi og varð hvítur í framan. Þá var hann ekki búinn að svara neinum skilaboðum, skriflegum ábyrgðarbréfum, stefnum eða símleiðis í marga mánuði, frekar en eiginkona hans. Þau voru á flótta undan því að horfast í augu við mig, ræða við mig eða svara til saka, hvað þá að semja eins og ég lagði til frá upphafi.
Hann játaði fyrir mér að hann ætlaði að framvísa fölsuðu skjali sem vitundarvottar hafa staðfest að er falsað og ljúga að dómaranum fyrir dómi og ég er í raun ekki hissa, miðað við það hvaða mann hann hefur að geyma. Hann hefur oftar en einu sinni lýst yfir skoðunum sínum á dómurum á Íslandi og segir þá alla vera ,,fífl og fávita“ og trúir því sjálfur, og ætlar að gambla á þá trú sína og viðhorf sitt. En það eru engar líkur á að það takist því siðblindir besservissar sem trúa eigin dómgreindarskorti, geta aldrei annað en endað á bak við lás og slá að mínu mati. Helsjúk peningagræðgin og heimskan eru systkyni og margur verður af aurum api.
Miðað við nýja dóma Hæstaréttar og eldri og öll þau gögn og greiðslukvíttanir sem liggja fyrir í málinu, kvíði ég engu og lít á það sem formsatriði að uppræta þessi fjársvik og vonast til að þau hljóti fangelsisvist sem og fyrir aðra glæpi. Þau hafa ekkert vit á lögum en hafa verið að fá ráðgjöf sem greidd er með svörtum greiðslum, vörum af lager fyrirtækisins að þeirra sögn. því meira sem þau tæma svart af lagernum fá þau fleiri ráð til sinna glæpaverka. Ráð sem munu ekki kollvarpa Hæstarétti Íslands, þó svo viðkomandi telji alla þar inni vera ,,greindarskerta fávita“ svo ég noti hans orðfæri.
Við áttum orðaskipti þennan dag, sem koma munu ítarlega fram í næsta kafla en ég sagði við hann að hann væri ekkert annað en rotta og þjófur, hann mótmælti því ekki og var ég ekkert hissa á því. Hann flúði svo af vinnustaðnum, bakdyramegin, því hann vissi að hann væri að verja málstað þjófs, óverjandi málstað sinn. En hefur sjálfsagt lýst samskiptunum á annan og hetjuegri hátt eins og hann er vanur að gera þegar hann státar sig af því við eldhúsborðið, seint á kvöldin, að hafa farið illa með menn og konur, sér til hagsbóta, í krónum talið.“
Mikil vinna lögð í bókina
Mikil vinna hefur verið lögð í bókina sem verður prentuð erlendis eins og 83% allra bóka sem eru gefnar út á Íslandi. Heimildamaður hennar fór erlendis í desember og hefur verið að vinna nótt og dag við að fullgera handritið og kemur heim á nýju ári. ,,Ég byrja klukkan sex og sjö á morgnana, vinn til hádegis, fer þá út og nýt góða veðursins, en er alltaf sestur aftur við vinnu um fjögur á daginn. Útgefandinn sem fjármagnar verkið er erlendur og er vinur minn og hann vill einnig gera hljóðbók, jafnvel hefur hann áhuga á gerð kvikmyndar.
Hann er mjög öflugur til vinnu og ætlar að sjá til þess að bókin verði ekki of dýr, þannig að allir sjái sér hag í að eignast hana, þá ætlar hann að dreifa henni í alla stórmarkaði og bókabúðir og gefa mikið magn af henni til valdra aðila og stofnana og ég mæli með að lögmenn og dómarar lesi hana. Handrit er geymt erlendis og á skýi því það er aldrei of varlega farið með gögn. Þá eru dómskjöl og öll gögn í tvírit á prenti og jafnframt geymd á sama hátt. Rannsóknar blaðamaður annast um heimildir, prófarkalesari fer yfir allt og mjög fagmannleg vinna upp á tíu hvar sem borið er niður.
Hann sem útgefandi og ábyrgðarmaður fær sinn hlut en ég hef lagt það til að ef að afgangur verður af rekstrinum, þá renni hann til Bjarkahlíðar eða sambærilegra aðila sem hlúa að þeim sem hafa orðið fyrir alvarlegu og ítrekuðu ofbeldi í nánu sambandi.
Á yngri árum og frameftir aldri blundaði í mér að gerast rithöfundur, það kemur sér vel núna sem og að hafa unnið hjá Ríkisskattstjóra. Enda er penninn beittari en öll sverð og sannleikurinn sigrar alltaf.“
https://frettatiminn.is/14/05/2023/ad-skilja-vid-sidblinda-manneskju-er-helviti-a-jordu/
