Áhugavert fyrir fólk sem þolir ekki spillingu, nema það fái að spila með
,,Spilaðu formann flokks á þingi sem keppist við að koma sem flestum þingmönnum í eigin vasa. – Styddu málefni, settu lögbann á hneyksli og stingdu svo hina formennina í bakið. – Spil fyrir fólk sem þolir ekki spillingu, nema það fái að spila með.“ Segir í kynningu um áhugavert spil sem fer í framleiðslu ef nægt fjármagn næst til að fjármanga Þingspilið þar sem öll trixin í bókinni koma fram sem notuð eru af spilltum ráðamönnum eins og kemur fram í kynningu:
Markmið Þingspilsins er að klára sem flestar umferðir með flesta þingmenn
Þingspilið er samansett af þremur bunkum:
1. Formanna bunki – Spilarar draga eitt Formannspil.
2. Málefna bunki – Eitt Málefnaspil er lagt út í byrjun umferðar.
3. Framtíðar bunki – Spilarar draga tvö spil á hendi í byrjun umferðar.
Í spilinu geta spilarar kosið um málefni og stundað pólitíska spillingu til að fá fleiri þingmenn, ásamt því að láta aðra spilara missa þingmenn í hneykslum (nema þeir spili út „Lögbanni á fjölmiðla“ til að stöðva hneykslið eða „Hvítþvott“ til að fá þingmennina aftur).
Sigurvegarar eru spilarar með Formannaspil sem hafa flesta þingmenn í lok umferðar. Fleiri en einn geta sigrað. Spilarar velja hvort spilið taki 2 eða 3 umferðir.
Teygju-markmið. – (Stretch Goals)
Þingspilið fer í framleiðslu ef hópsöfnunin fer yfir 5000 €
og er þá sent frítt heim að dyrum í byrjun desember.
Ef söfnunin teygir sig í:
500 Þingspil – Öll spil uppfærð í pókerspila áferð.
= Fallegri áferð sem auðveldara er að stokka.
750 Þingspil – Öll spil koma líka í tvöföldum hágæða spilakassa + pókerspila áferð.
= Eigulegri umbúðir með betri endingu.
1000 Þingspil – Öll spil einnig uppfærð í þykkan pappír með svörtum kjarna + pókerspila áferð + hágæða spilakassa.
= Eigulegri spil sem þola betur pólitísku átökin í spilinu.
Saga Þingspilsins
Hugmyndin kviknar.
Þingspilið varð til í hitamóki eina desember nótt fyrir rúmu ári. Stuttu áður hafði höfundur rekist á Gísla í Nexus (spilabúð) sem sagði vinsælustu spilin í dag vera ‘Partýspil’ sem fólk lærir strax, tekur stuttan tíma að spila og séu það skemmtileg að fólk vilji strax spila aftur. Fyrri hugmyndir höfundar um stjórnmálaspil röðuðust svo inn í partýspila ramman í hitamókinu.
Fyrsta hönnunin.
Fyrsta hönnunin var svo unnin í jólafríinu. Spilið skrifaði sig svo eiginlega sjálft þegar farið var yfir stjórnmálasöguna í skopmyndum Halldórs Baldurssonar síðustu ára. Halldóri fannst hugmyndin góð og gaf grænt ljós á að gera spilið. Formenn flokkanna á þingi sáu svo sitt spil og var skemmt. Einn sagði höfund ekki alslæman, annar vildi selfie af sér með höfundi og enn annar bað um að sjá hin ‘Formannaspilin’ og var sáttur við samanburðinn.
Prufukeyrslur.
– Þingspilið var fyrst prufukeyrt við eldhúsborðið með krökkunum og var næstum nógu einfalt fyrir 9 ára.
– Spilakvöld með þingflokkinum, stjórnmálanördum, spilanördum og með fólki sem ekki tilheyrir þeim hópum sýndu að spilið er það skemmtilegt og fjölbreytt að fólk að vill spila aftur, og aftur.
– Gestir og gangandi sem heimsóttu þinghúsið 17. júní sýndu að fólk gat sest niður og byrjað að spila samstundis.
– Prufukeyrslur í malbiksstöðinni á milli þess að afgreiða malbik skiluðu svo lokaútgáfunni sem er á leið í framleiðslu, með þínum stuðningi.
https://www.karolinafund.com/project/view/2556?fbclid=IwAR0cJ2Xlc3h60AOo7iLF0qNoeUHlP38JXmJhZymlJh-W8V6Zn1XYEgU6XyA
