Suðaustankaldi eða -strekkingur með rigningu í dag

Hugleiðingar veðurfræðings
Suðaustankaldi eða -strekkingur með rigningu í dag, en hægara og úrkomulítið norðaustanlands. Dregur heldur úr vindi og úrkomu með kvöldinu, en rignir enn á Suðausturlandi. Áfram sunnanátt og rigning með köflum á morgun, mánudag og þriðjudag, en þurrt að kalla norðustan til. Hlýnar í veðri og fer hiti líklega yfir 20 stig á Norausturlandi eftir helgi. Rigningarveðrið veldur hárri vatnsstöðu í ám og lækjum á hálendinu þ.a. vöð geta orðið varasöm. Ferðamenn á þeim slóðum eru því hvattir til að fara varlega.
Veðurhorfur á höfuðborgarsvæðinu
Suðaustan 8-13 m/s og rigning með köflum, en hægara og úrkomuminna í kvöld. Hiti 10 til 13 stig.
Veðurhorfur á landinu
Suðaustan 8-15 m/s og rigning, hvassast við SV-ströndina, en úrkomulítið NA til. Dregur víða úr vindi og úrkomu í kvöld, en rignir áfram á SA-landi. Hiti 10 til 18 stig hlýjast NA-lands.
Spá gerð: 09.08.2020 04:45. Gildir til: 10.08.2020 00:00.
Veðuryfirlit
Um 400 km SV af Reykjnesi er 1001 mb lægð á leið N, en 600 km N af Jan Mayen er 1003 mb smálægð sem hreyfist lítið. Um 600 km V af Hvarfi er vaxandi 1002 mb lægð sem fer A.
Veðurhorfur á landinu næstu daga
Á mánudag:
Sunnan og suðaustan 8-15 m/s og rigning með köflum, hvassast vestat, en þurrt og bjart NA til. Hiti 10 til 15 stig, en allt að 20 stigum á Norðausturlandi.
Á þriðjudag:
Sunnan 5-10 m/s og rigning á V-verðu landinu, en þurrt að kalla eystra. Hiti víða 11 til 16 stig, en kringum 20 stig NA til.
Á miðvikudag:
Fremur hæg suðvestlæg átt og bjart með köflum, en hvessir V-lands ,með rigningu um kvöldið. Hiti 10 til 18 stig að deginum, hlýjast á SA-landi.
Á fimmtudag:
Útlit fyrir allhvassa eða hvassa suðvestanátt með rigningu, en úrkomulítið eystra. Áfram hlýtt í veðri.
Á föstudag og laugardag:
Líklega áfram suðlægar áttir, fremur þurrt og hlýtt í veðri.
Spá gerð: 08.08.2020 20:11. Gildir til: 15.08.2020 12:00.