Í kjölfar vaxtalækkunar Seðlabanka Íslands í dag hefur Indó fyrstur allra, ákveðið að lækka vexti á inn- og útlánum sínum. Önnur fjármálafyrirtæki hafa ekki lækkað vexti.
Í fréttatilkynningu frá Indó segir að vextir á debetreikningum, sparibaukum, yfirdrætti og svokölluðu færslusplitti lækki um sem nemur lækkun Seðlabankans, eða um 0,5 prósentustig.
Vextir eftir breytingar verði því eftirfarandi:
- Á debetreikningum: 2,25%
- Á sparibaukum: 7,10%
- Á yfirdrætti í virkri endurgreiðslu: 13,00%
- Á yfirdrætti án virkrar endurgreiðslu: 15,00%
- Á færslusplitti: 15,00%
„Vaxtalækkun Indó endurspeglar því alfarið vaxtalækkun Seðlabankans í dag. Vaxtalækkun á debetreikningum tekur gildi frá og með 5. apríl í samræmi við ákvæði laga. Aðrar breytingar taka gildi í dag, þann 5. febrúar.“
Umræða
