Ákærður fyrir manndráp

Ákærður fyrir manndráp

Héraðssak­sókn­ari hef­ur ákært Val Lýðsson fyr­ir mann­dráp á bæn­um Gýgjar­hóli 2 í Blá­skóga­byggð aðfaranótt laug­ar­dags­ins 31. mars 2018. Í ákærunni seg­ir að hann hafi veist með of­beldi að bróður sín­um, Ragn­ari Lýðssyni, með þeim af­leiðing­um að hann lést. Val­ur var bú­sett­ur á Gýgjar­hóli en bróðir hans Ragn­ar var þar í heim­sókn. Fjór­ir ein­stak­ling­ar gera einka­rétt­ar­kröf­ur í mál­inu og krefjast 10 millj­óna króna í miska­bæt­ur, hver fyr­ir sig.  Málið verður flutt fyrir héraðsdómi suðurlands.
Ragn­ar hlaut al­var­leg­an höggá­verka of­ar­lega vinstra meg­in á enni, sem olli sári á hör­undi, blæðingu inn­an í höfuðkúpu og snöggri breyt­ingu á meðvit­und­arstigi. Af höggá­verk­an­um hlut­ust einnig ógleði, svimi og upp­köst. Þetta leiddi til þess að Ragn­ar lést af ban­vænni inn­önd­un magainni­halds.
Sam­kvæmt ákæru héraðssak­sókn­ara sló Val­ur bróður sinn ít­rekuðum hnefa­högg­um í höfuð og lík­ama, auk þess að sparka og/​eða trampa ít­rekað á höfði hans og lík­ama. Af þessu hlaut Ragn­ar marg­vís­lega dreifða áverka á lík­ama og höfði.
https://gamli.frettatiminn.is/2018/04/03/brodirinn-grunadur-um-manndrap-gyjarholi-ii/