33 ára gömul kona sem reyndi að eitra fyrir fyrrverandi eiginmanni sínum með frostlögi hefur verið ákærð fyrir tilraun til manndráps.
Kristen Hogan frá Ridgefield í Connecticut var handtekin á föstudag og sökuð um að hafa sett frostlög í vínflösku og íste heima hjá eiginmanni sínum. Parið hefur verið í hörðum forsjáardeilum vegna barns sem þau eiga saman.
Þann 10. ágúst drakk 34 ára gamall eiginmaður hennar lítið magn af sterku víni og vaknaði eftir það, stöðugt um miðja nótt. Daginn eftir byrjaði hann svo að kasta upp, samkvæmt skjölum sem lögreglan í Connecticut-fylki birti.
Fórnarlambið hringdi í móður sína, sem kom á staðinn og fann son sinn meðvitundarlítinn og í mjög slæmu ástandi þar sem hann kastaði í sífellu upp.
Faðirinn var fluttur á sjúkrahús þar sem viðbragðsaðilar héldu fyrst að hann væri að fá heilablóðfall. Þeir komust fljótlega að því að hann var með etýlen glýkól eitrun sem er innihaldsefni í frostlögi.
Hann var lagður inn á gjörgæsludeild og settur í skilun vegna nýrnabilunar. Læknar spurðu manninn hvað hann hefði drukkið og hann sagði þeim frá víninu. Lögreglan í Ridgefield lagði hald á vínið og sendi það til réttarmeinafræðideildar Connecticut til frekari rannsókna.
Manninn grunaði strax að Hogan væri sökudólgurinn á bak við eitrunina því honum var tilkynnt, meðan hann var ekki heima, að hún hefði tengst Wi-Fi-netinu hans. Þótt þau virðist ekki búa saman hafði Hogan fullan aðgang að heimilinu.
Þegar rannsóknarlögreglumenn spurðu manninn hvers vegna hann héldi að þetta væri fyrrverandi eiginkona hans, sagði hann að Hogan myndi verða eigandi heimilisins og fá forsjá yfir barni þeirra við andlát hans.
Þegar upp komst, laug hún að lögreglu og reyndi að kenna andlegu ofbeldi um
Yfirvöld fundu netleitir í síma fyrrverandi eiginkonu hans sem innihéldu leit af kalíumsýaníð, kalíumferrísýaníð, sítrat-sýaníð, kalíumþíósýanat og mónóetýlen glýkól eitri.
Við fyrstu yfirheyrslur neitaði hún þó að vita hvaða efni þetta væru. Samkvæmt skjölunum fundust einnig frekari leitir að því hversu mikið af þessum efnum einstaklingur þyrfti að innbyrða til að deyja.
Hún mundi síðar eftir því að hún hefði keypt mónóetýlen glýkól á Amazon vegna þess að hún var að „nota þetta tiltekna efni til að þrífa teppið heima hjá móður sinni“ og sagði að efnið hefði aldrei farið úr foreldrahúsum hennar.
Þegar rannsóknarlögreglumenn bentu henni á rannsókn varðandi vínflöskuna og að eiginmaður hennar hefði mælst með mikið magn af eitri í blóði sínu, neitaði hún upphaflegum fullyrðingunum.
Samt sem áður sagði hún að „hún vildi aldrei drepa hann heldur bara gera hann veikan sem hefnd fyrir andlegt ofbeldi sem var lygi. Hún sagðist ekki viss um hversu mikið af efninu hún hellti í vínflöskuna. Rannsóknarlögreglumenn sögðu konunni að barn þeirra gæti hafa neytt eitursins, sem hún neitaði að væri mögulegt.
Í skjölunum kom einnig fram að áður en eiginkona hans var handtekin, byrjaði hún að haga sér vingjarnlegri og bauðst til að koma í heimsókn og elda eitthvað sem var óvenjulegt fyrir samband þeirra á þeim tíma. Hogan var ákærð fyrir tvær tilraunir til manndráps og fyrir að reyna að ljúga að lögreglunni. Hún er í haldi gegn 1 milljón dollara tryggingu.
Konur beita líkamlegu og andlegu ofbeldi, tálmunum ofl. – Samtök um Karlaathvarf
