Stjórn Sambands ungra sjálfstæðismanna (SUS) andmælir harðlega tillögum sjávarútvegsráðherra um víðtækt og umfangsmikið myndavélaeftirlit Fiskistofu með sjávarútvegi.
Forsaga málsins er að í gegnum tíðina hefur ítrekað komið upp að útgerðir hafa verið sakaðar um brottkast á fiski og í sumum tilfellum fylgt með þeim ásökunum myndbandsupptökur úr fiskiskipum. Þar sem að aflanum er hent í hafið og auk þess hafa áhafnir skipa viðurkennt að afla sé hent fyrir borð í miklu mæli. T.d. verðlitlum tegundum og minni fiski sem að borgar sig ekki að koma með í land vegna þess að fyrir hann fæst minna greitt og jafnvel minna en leiga á kvóta kostar svo fátt eitt sé nefnt.
,,Eftirlit af þessu tagi býður upp á misnotkun og brýtur gróflega gegn frelsi sjávarútvegs- fyrirtækja og á sér fá ef einhver fordæmi á Íslandi. Tillögurnar fela í sér að komið verði upp myndbandsvélum um borð í skipum með það að markmiði að upplýsa um lögbrot. Þá hyggur Fiskistofa á að beita fjarstýrðum drónum í sama tilgangi. Stjórn SUS telur tillögur ráðuneytisins fela í sér hættulegt skref í átt að eftirlitssamfélagi. Það á ekki að ganga út frá því að einstaklingar og fyrirtæki séu lögbrjótar, heldur eiga þeir að njóta vafans gagnvart eftirlitsstarfsemi stjórnvalda.
Vissulega væri hægt að upplýsa um fleiri lögbrot með myndbandsupptökuvélum, hvort sem þær séu í skipum, eldhúsum veitingastaða eða skrifstofum fjármálafyrirtækja, en slíkur ávinningur er skammvinnur og lítill í samhengi við það frelsi sem samfélagið tapar vegna slíks fyrirkomulags. Stjórn SUS hvetur sjávarútvegsráðherra til þess að endurskoða frumvarpsdrögin með frelsishugsjónina í huga. Ráðherrar og þingmenn Sjálfstæðisflokksins eiga ekki að leiða í lög fyrirmæli sem skerða frelsi borgaranna. Við eigum að grisja þann þétta skóg sem forræðishyggin löggjöf er orðin.“ Segir í ályktun stjórnar SUS.
Tengt efni:
https://gamli.frettatiminn.is/2018/03/04/onytt-islenskt-kvotakerfi-bankar-med-onyt-ved-kvota-og-byggdir-lagdar-rust/
https://gamli.frettatiminn.is/2018/02/22/thaettir-um-kvotakerfid-verdlaunadir-berlinale/
https://gamli.frettatiminn.is/2018/04/19/kaupir-eign-thjodarinnar-21-7-milljard-er-haegt-ad-vedsetja-thjodareign/
https://gamli.frettatiminn.is/2018/02/04/utgerdin-telur-23-000-kr-veidigjald-ut-i-hott-en-170-000-kr-fra-leigulidum-i-kvotaleigu-til-sin-mjog-sanngjarna/
Samband ungra sjálfstæðismanna mótmæla myndavélaeftirliti harðlega
Umræða
