Vaxandi austanátt í nótt

Hæg suðlæg átt í dag og skýjað um sunnanvert landið en bjart veður norðantil. Dálítil él suðaustanlands, og einnig líkur á éljum á Reykjanesi og sunnanverðum Vestfjörðum framan af degi. Það fer hægt hlýnandi í dag og má búast við skúrum í stað élja í kvöld. Hiti 0 til 7 stig að deginum, hlýjast á Suðurlandi en frystir í kvöld. Vaxandi austanátt í nótt, 8-13 m/s í fyrramálið en allhvasst undir Eyjafjöllum. Þyknar meira upp og fer að rigna en fremur hæg suðlæg átt og þurrt um norðanvert landið. Hlýnar heldur, hiti 1 til 8 stig annað kvöld, hlýjast syðst.
Veðurhorfur á landinu
Suðlæg eða breytileg átt 3-8 m/s og bjart með köflum, en að mestu skýjað um sunnanvert landið og stöku él suðaustantil, en skúrir þar síðdegis. Hiti 0 til 7 stig að deginum, hlýjast á Suðurlandi en frystir í nótt. Austan og suðaustan 8-13 m/s á morgun en 13-18 syðst. Víða rigning um sunnanvert landið, en hæg suðlæg átt og bjartviðri norðantil. Hlýnar heldur.
Spá gerð: 09.04.2020 06:59. Gildir til: 10.04.2020 00:00.
Veðurhorfur á landinu næstu daga
Á laugardag:
Snýst í norðaustan 8-13 m/s. Rigning austantil í fyrstu, en léttir til SV-lands. Hiti 2 til 10 stig, hlýjast sunnan heiða. Dálítil él og vægt frost á N- og A-landi um kvöldið.
Á sunnudag (páskadagur):
Hæg suðlæg átt. Bjart veður og kalt N- og A-lands. Skýjað í öðrum landshlutum og smáskúrir S-til, hiti 2 til 7 stig. Vaxandi sunnanátt og hlýnar norðan heiða um kvöldið.
Á mánudag (annar í páskum):
Allhvöss suðvestanátt og rigning fram eftir degi, en úrkomulítið á NA- og A-landi. Hiti víða 5 til 10 stig.
Á þriðjudag:
Suðvestanátt, skýjað og rigning með köflum S-til, en bjart veður A-lands. Hiti 3 til 10 stig, hlýjast á Austfjörðum.
Á miðvikudag:
Útlit fyrir suðvestanátt með rigningu S- og V-lands.
Spá gerð: 09.04.2020 08:08. Gildir til: 16.04.2020 12:00.