Maður á þrítugsaldri lést eftir líkamsárás í miðborg Reykjavíkur í nótt. Maðurnn sem handtekinn var í tengslum við málið í nótt var síðdegis í Héraðsdómi Reykjavíkur úrskurðaður í gæsluvarðhald til 29. júní að kröfu lögreglunnar á höfuðborgarsvæðinu. Þetta kemur fram í tilkynningu frá lögreglunni.
Lögreglan á höfuðborgarsvæðinu fór fram á gæsluvarðhald yfir karlmanni á þrítugsaldri sem er í haldi vegna rannsóknar á alvarlegri líkamsárás í miðborg Reykjavíkur í nótt.
Fórnarlambið var meðvitundarlaust þegar að var komið og lá þungt haldið á gjörgæsludeild Landspítalans. Fórnarlambið var einnig karlmaður á þrítugsaldri og ástand hans var mjög alvarlegt, sagði í tilkynningu lögreglunnar.
Sá grunaði var farinn af vettvangi þegar lögregla kom á staðinn en var handtekinn í nágrenninu. Ekki var hægt að yfirheyra hann vegna ástands þegar hann var handtekinn.
Rannsókn málsins er á frumstigi. Ekki er hægt að veita frekari upplýsingar að svo stöddu.
Umræða
