Lögmaður fyrrverandi eiginmanns Eddu B. Arnadóttur, sem lögregla handtók í gær, biðlar til fólks um að láta vita hvar synir þeirra þrír séu niðurkomnir. Þeir voru ekki með móður sinni þegar hún var handtekin.
Lögmaður föður tveggja íslenskra drengja hefur sent fjölmiðlum yfirlýsingu þar sem hann biðlar til fólks um að láta vita hvar þeir séu. Edda Björk Arnadóttir, móðir drengjanna, var handtekin í gær eftir að lögreglan lýsti eftir henni á samfélagsmiðlum og í fjölmiðlum.
Fram kemur í yfirlýsingu lögmannsins að drengirnir hafi ekki verið með móður sinni. Þar varar hann jafnframt við að fólk reyni að villa um fyrir lögreglu með færslum eða myllumerkjum á samfélagsmiðlum á borð við „Drengirnir eru hjá mér“.
Edda Björk hefur tjáð sig opinberlega um málið. Hún flaug með drengina til Íslands í einkaflugvél frá Noregi án vitneskju og samráðs við föðurinn. Yfirvöld í Noregi hafa óskað eftir því að hún verði framseld þangað.
Faðir drengjanna fer með forræði yfir drengjunum sem hefur verið staðfest bæði af norskum og íslenskum dómstólum. Edda Björk hefur hins vegar neitað að láta drengina af hendi og sagt að það hafi alvarlegar sálrænar afleiðingar fyrir þá.
Handtökuskipun á móður sem nam börn á brott af heimili föðurs
