Mynd tekin í gærmorgun í Neskaupstað þar sem drjúgt hefur snjóað svo sem sjá má. Lögregla á svæðinu hvetur ökumenn til að hreinsa vel af bílum sínum áður en lagt er af stað og tryggja að þeir séu búnir til vetraraksturs.
Veðuryfirlit
Skammt N af Jótlandi er allvíðáttumikil 970 mb lægð sem þokast NA, en 1020 mb hæð er yfir Grænlandi. Um 300 km A af Hvarfi er hægfara 1000 mb lægð sem fer SA og eyðist.
Samantekt gerð: 15.01.2023 14:29.
Veðurhorfur á landinu
Norðlæg átt 5-13 m/s, en 13-18 við austurströndina. Víða léttskýjað, en skýjað með köflum og sums staðar skafrenningur austanlands. Frost 5 til 18 stig. Norðan 8-15 m/s á morgun, en heldur hvassara suðaustantil. Él á norðanverðu landinu, en þurrt og bjart sunnan heiða. Dregur aðeins úr frosti. Spá gerð: 15.01.2023 18:00. Gildir til: 17.01.2023 00:00.
Veðurhorfur á höfuðborgarsvæðinu
Austlæg átt, 3-8 m/s og léttskýjað. Frost 8 til 14 stig. Norðaustan 8-13 á morgun, en 13-18 á Kjalarnesi. Áfram léttskýjað og minnkandi frost.
Spá gerð: 15.01.2023 18:00. Gildir til: 17.01.2023 00:00.
Veðurhorfur á landinu næstu daga
Á þriðjudag:
Norðan 8-15 m/s, en 15-23 á suðaustanverðu landinu. Víða él, en þurrt og bjart sunnan- og suðvestanlands. Frost 2 til 8 stig.
Á miðvikudag:
Norðlæg átt 8-15 austanlands en annars hægari. Skýjað með köflum og smáél við norður- og austurströndina. Talsvert frost. Stöku él vestantil um kvöldið.
Á fimmtudag:
Suðaustan 10-18, dálítil snjókoma eða slydda og hiti um eða yfir frostmarki sunnan- og vestantil. Annars hægari vindur, úrkomulítið og frost 2 til 7 stig.
Á föstudag:
Suðlæg átt og víða rigning eða slydda en lengst af þurrt norðaustantil. Hiti 0 til 6 stig en um frostmark norðaustanlands. Snýst í suðvestanátt, dregur úr úrkomu og kólnar um kvöldið.
Á laugardag:
Suðlæg eða breytileg átt, snjókoma eða slydda og frost 0 til 8 stig. Hlýnar með rigningu sunnan- og austanlands síðdegis.
