Móðir og stjúpfaðir handtekin vegna tálmunar

Edda Björk Arn­ar­dótt­ir, sem nam syni sína þrjá á brott frá Nor­egi í óþökk föður þeirra, var hand­tek­in í gær. Henni hef­ur þó verið sleppt eft­ir að aðfar­ar­gerð á heim­ili þeirra var frestað eft­ir að syn­ir henn­ar neituðu að fara. Stjúp­faðir drengj­anna var líka hand­tek­inn. Þetta herma heim­ild­ir mbl.is.

Edda nam syni sína brott í mars síðasta ári og hafa þeir búið hjá henni á Íslandi síðan. Faðir­inn er ís­lensk­ur en hef­ur búið í Nor­egi um ára­bil og bjó öll fjöl­skyld­an þar áður en Edda og barns­faðir henn­ar skildu. Norsk­ur dóm­stóll úr­sk­urðaði að dreng­irn­ir skyldu hafa lög­heim­ili hjá föður sín­um og að hann skyldi einn fara með for­sjá þeirra, að sögn mbl.is

Þrír lög­reglu­bíl­ar, á veg­um sýslu­manns á höfuðborg­ar­svæðinu, mættu á vett­vang fyr­ir utan heim­ili fjöl­skyld­unn­ar síðdeg­is í dag og aðgerðirn­ar stóðu yfir í rúma tvo tíma. Þá var einnig lokað fyr­ir um­ferð við göt­una.

Faðir drengj­anna var einnig á vet­vangi

Lög­reglu­menn eru farn­ir af vett­vangi þar sem aðfar­ar­gerðinni var frestað eft­ir að syn­ir henn­ar neituðu að gefa sig á hend­ur lög­reglu. Þá var Eddu og stjúp­föður drengj­anna sleppt en þau sitja nú heima og eru óviss um hvenær lög­regl­an kem­ur aft­ur. Faðir drengj­anna var einnig á vet­vangi. Nánar er fjallað um málið á mbl.is

Handtökuskipun á móður sem nam börn á brott af heimili föðurs